जनधाराडेली
  १० माघ २०७९

                            








 जनकपुर, माघ १०। मधेश प्रदेशका सभामुख रामचन्द्र मण्डलले धार्मिक तथा ऐतिहासिक स्थलको रुपमा परिचित धनुषाधामलाई पर्यटकीय नगरीको रुपमा विकास गर्नुपर्ने आवश्यकता रहेको बताएका छन् ।
मंगलबार धनुषाधाममा बधाई तथा सम्मान कार्यक्रमलाई सम्बोधन गर्दै सभामुख मण्डलले रामले सितासँग विवाह गर्न अघि तोडेको धनुषको एक अंश धनुषाधाममा पनि फेला परेकालाई यस क्षेत्रलाई धार्मिक पर्यटनीय नगरीको रुपमा व्यवस्थित र विकासित गर्न तर्फ आफुले पहलकदमी लिने आश्वासन समेत दिए ।
 
धनुषाधाममा प्रत्येक वर्षमा लाग्ने मकर मेला लाग्ने गरेपनि यसको प्रचारप्रसार मार्फत धार्मिक तथा पर्यटकहरुको आकर्षण समेत तान्नका लागि सबैले आ–आफ्नो स्तरबाट लाग्नुपर्ने उनले बताए ।
धनुषाधाम चुरे क्षेत्रसंग समेत रहेकाले मनोरम ऐतिहासिक धार्मिक भुमिलाई रोजगारको मुल क्षेत्रको रहेको उनले भने ।
 
धनुषाधाम नगरपालिकामा स्थानीयवासी, नागरिक समाज, विभिन्न राजनीतिक दलका प्रतिनिधि तथा नेताले नवनिर्वाचित सभामुख मण्डललाई बधाई तथा शुभकामना दिएका थिए ।