जनधाराडेली
  ३१ श्रावण २०८०

                            

 








 जनकपुरधाम, २८ बैशाख । मधेश प्रदेशका सभामुख र कोशी प्रदेशका सभामुखसहितको टोली वीच भेटघाट भएको छ ।
 
बिहीबार कोशी प्रदेशका सभामुख बाबुराम गौतम तथा उपसभामुख सृजना दनुवारले मधेश प्रदेश प्रदेशसभाको अध्ययन, अवलोकन तथा भ्रमण गर्ने क्रममा प्रदेशसभा संचालन एवं प्रगति सम्बन्धी व्यापक छलफल गरेका छन् ।
 
छलफलको क्रममा द्वय सभामुखले प्रदेशसभालाई जनपक्षीय बनाउनका लागि सात वटै प्रदेशका सभामुखको भेलाबाट साझा अवधारणा आउन आवश्यक रहेको बताए । मधेश प्रदेशका सभामुख मण्डल र कोशी प्रदेशका सभामुख गौतम वीच भएको छलफलमा उनीहरुले सातवटै प्रदेशका सभामुखको बैठक गरेर प्रदेशसभा संचालनलाई थप प्रभावकारी बनाउनका लागि साझा अवधारणा ल्याई संघीयतालाई थप सबल आजको अपरिहार्यता रहेकोमा जोड दिए ।
 
कुराकानीको क्रममा कोशी प्रदेशका सभामुख गौतमले कोशी प्रदेशको नामकरणको सवालमा असन्तुष्टी जनाएका छन् । उनले मधेश प्रदेशका सभामुख मण्डलसँगको भेटमा कुराकानी गर्दै कोशी प्रदेशको नामकरण हाउसबाटै बहुमतले पारित भएपनि यसको विरोध हुनु दुःखद रहेको बताए ।
 
उनले नयाँ दलहरुले संघीयतालाई बेवास्ता गर्दै जथाभावी बोल्दै हिड्नु संघीयताका लागि खतराको संकेत रहेको बताए ।
 
नयाँ पार्टीहरुको गतिविधी हेर्दा संघीयता बिरोधी रहेको बताए । त्यस्तै मधेश प्रदेशका सभामुख मण्डलले मधेश प्रदेशसभाबाट दर्जनौँ बिधेयकहरु पारित भएपनि ऐन कानूनहरु कार्यान्वयनमा चुनौतीपूर्ण अवस्था रहेको बताए ।
 
उनले अहिलेसम्म पनि प्रदेशको कानूनहरु न्यायलय, बार एशोसिएसन, कानून व्यवसायी, कलेजलगायतका कार्यान्वन नहुनु दुःखद रहेको बताए । यस अवसरमा कोशी प्रदेशका सभामुख गौतमले मधेश प्रदेशका सभामुख मण्डललाई कोशी प्रदेशसभा भ्रमणका लागि निम्तो समेत दिए ।