कृषि सामाग्री संस्था लि. मा नवनिर्वाचित सांसद महतोले गरिन अनुगमन
जनधाराडेली
२६ मंसिर २०७९
जनकपुरधाम । गहुँबालीको चटारो रहेको समयमा किसानहरुले मल पाउन नसकिरहेको गुनासो बढ्दै जान थालेपछि नवनिर्वाचित सांसद जुलीकुमारी महतोले कृषि सामाग्री कम्पनी लिमिटेड जनकपुर शाखाको अनुगमन गरेकी छिन् ।सोमबार कम्पनीको जनकपुर शाखा पुगेर धनुषा ३को नवनिर्वाचित सांसद महतोले अनुगमन गरेकी हुन् ।उनले कार्यालय प्रमुख केसरीसंग मलको समस्या र सोको समाधानको विषयमा समेत छलफल गरेकी थिइन् ।महतोले कार्यालय उपलब्ध मल र धनुषा जिल्लाका लागि कति मल आवश्यक रहेको विषयमा जानकारी लिएकी थिइन् ।अनुगमनको क्रममा सांसद महतोले मलको समस्या समाधानका लागि आफूले छिट्टै पहल गर्ने प्रतिवद्धता व्यक्त गरिन् ।
फेसबुकबाट तपाईको प्रतिक्रिया !