गुल्मी–२ मा एमालेका गोकर्ण विष्टको ‘ह्याट्रिक’
जनधाराडेली
०७ मंसिर २०७९
जनकपुरधाम,७ मंसिर । गुल्मीको क्षेत्र नम्बर–२ मा नेकपा एमालेका गोकर्णराज विष्ट निर्वाचित भएका छन् ।
नेकपा एकीकृत समाजवादीकी रामकुमारी झाँक्रीलाई २ हजार ४४ मतले पछि पार्दै विष्ट निर्वाचित भएका हुन् ।
यो जितसँगै यस क्षेत्रमा विष्टले ‘ह्याट्रिक’ गरेका छन् । यस क्षेत्रमा कूल ५८ हजार ७५९ मत खसेको थियो । विजयी भएका विष्टले २८ हजार ४८५ मत प्राप्त गरेका निर्वाचन अधिकृत शिवबहादुर थापाले जानकारी दिए ।
उनकी प्रतिस्पर्धी झाँक्रीले २६ हजार ४४१ मत प्राप्त गर्नुभएको निर्वाचन अधिकृत थापाले जानकारी दिए । उनले २०७०, २०७४ र अहिले गरी लगातार तीनपटक चुनाव जितेका छन् ।
विष्टले यस क्षेत्रबाट २०५६ मा पनि चुनाव जितेका थिए । २०६४ मा मात्र विष्ट नेकपा माओवादीका चन्द्रबहादुर थापासँग पराजय भएका थिए ।
फेसबुकबाट तपाईको प्रतिक्रिया !