जनधाराडेली
  ०७ माघ २०७९

                            






जनकपुरधाम, माघ ७ गते । मधेश प्रदेशको प्रदेशसभाको सभामुखमा रामचन्द्र मण्डल निर्वाचित भएपछि उनको गृहनगरमा खुशियाली देखिएको छ ।
 
सभामुखमा निर्वाचित भएपछि गृहनगर मिथिला बिहारी नगरपालिकामा पहिलो पटक पुगेका स्थानीयमा खुशियाली देखिएको थियो ।
 
मण्डल सभामुखमा निर्वाचित भएको खुशियालीमा नगरको विभिन्न वडामा शुभकामना आदान प्रदान कार्यक्रमको आयोजना गरिएको थियो ।
 
मिथिला विहारी नगरपालिका वडा नम्बर १ भूतही पटेर्वा, मिथिला विहारी नगरपालिका वडा नम्बर ३ कजरा रमौल, मिथिला विहारी नगरपालिका वडा नम्बर ४ मिथिलेश्वर मौवाही र मिथिला नगरपालिका वडा नम्बर ५ ललियामा शुभकामना आदान प्रदान कार्यक्रमको आयोजना गरिएको थियो ।
 
गउहनगर पुगेका सभामुख मण्डललाई विभिन्न स्थानमा स्थानीयले फूल माला लगाएर स्वागत गरेका थिए ।
 
सो क्रममा यहाँको शिक्षा स्वास्थ्यको अवस्था निक्कै कमजोर रहेको भन्दै सभामुख मण्डलसंग स्थानीयले गुनासो गरेका थिए ।
 
सो भेगको शिक्षा स्वास्थ्य क्षेत्रमा सुधारका लागि पहल गरि दिन उनीहरुले सभामुख मण्डलसंग आग्रह गरेका थिए ।
 
सभामुख मण्डलले अहिले प्रदेशका विकासका लागि भौतिक संरचनाहरु निर्माण भई रहेको र सोको संरक्षणका लागि स्थानीयले नै पहल गर्नुपर्नेमा जोड दिए ।
 
यसका साथै आ–आफ्नो बालबालिकालाई शिक्षाबाट बञ्चित नगर्न आग्रह गरे । शिक्षाको क्षेत्रमा विकास भए मात्रै समाजको सर्वांगिन विकास हुने सभामुख मण्डलको भनाई थियो ।