अन्यनयाँ समाचार

मापदण्ड तोके अनुसार बालुवा उत्खनन कार्य हुन्छ :- मेयर महतो

जनकपुरधाम, फागुन३०गते।

मिथिला नगरपालिकाले मापदण्ड तोके अनुसार बालुवा उत्खनन गर्ने निर्णय गरेको छ । धनुषामा गत पुस २४ गते औरही खोलामा दीलीप महतोको हत्या पछि स्थगित रहेको उत्खनन कार्य दुई महिना पछि फेरी शुरु गर्नका लागि मिथिला नगरपालिकाले मापदण्ड निर्धारण गरेको छ । आइईई रिपोर्ट तथा मिथिला नगरपालिकाले तोकेको मापदण्ड अनुसार नै अब बालुवा तथा गिटी उत्खनन् गरिने मिथिला नगरपालिकाका प्रमुख हरिनारायण महतोले बताए ।
नगरपालिकाले बालुवा तथा गिटी उत्खननका लागि विभिन्न ६ वटा मापदण्ड निर्धारण गरेको जानकारी दिए । आइईईमा तोकिएको स्थान तथा मापदण्ड अनुसार उत्खनन गरिने, सूर्योदयदेखि सूर्यास्तसम्म मात्रै उत्खनन् गरिने, उत्खनन् गर्ने स्थलमा फ्लेक्स बोर्ड तथा नागरिक वडा पत्र राख्नु पर्ने, तोकिएको नम्बरको गाडीहरुबाट मात्रै बालुवा गिटी उत्खनन गर्न पाइने, उत्खननको समयमा नगरपालिकाको प्रतिनिधि राखिने, मापदण्ड पूरा नगरी उत्खनन गर्नेलाई कानून अनुसार कारबाही गरिने लगायतको मापदण्ड निर्धारण गरिएको नगर प्रमुख महतोले बताए ।
नगरपालिकाले बालुवा तथा गिटी उत्खनन गर्ने गाडीको नम्बर समेत सार्वजनिक गरिएको छ । नगरपालिकाले बा २ ख ३६७९ नम्बरको स्काइभेटर, बा ३ क २७२२, बा २ क ६३१७, बा २ क ४८०४ र ज १ क ६८४ नम्बरको जेसिबीलाई उत्खननको लागि अनुमति दिइएको छ ।
आइईई रिपोर्टको अनुसार मिथिला नगरपालिकामा रातु नदीमा १२०४५४ क्यु. वि. फिट, जलाद नदीमा १२७९४७८, औरही नदीमा १४९४८८४, जग्धर नदीमा ६६२६६४, बसही नदीमा १३४७३७४ र बडहरी खोलामा १००४२५२ क्यु.वि. फिट बालुवा उत्खनन गर्न पाइने छ ।

Share this
Similar Posts

Leave a Reply

Your email address will not be published. Required fields are marked *