अन्यनयाँ समाचार

भ्रष्टाचार विरुद्ध कडा ढंगले अघि बढ्नु आवश्यक -सत्रुधन महतो

नेकपाका केन्द्रिय सदस्य सत्रुधन महतोले समाजवाद उन्मुख हुनका लागि राज्यले आर्थिक समृद्धि र भ्रष्टाचार विरुद्ध कडा ढंगले अघि बढ्नु आवश्यक रहेको बताए । मंगलबार जनकपुरमा नेकपा निकट नेपाल विद्युत प्राधिकरण राष्ट्रिय कर्मचारी यूनियन प्रदेश नम्बर २ को एकताको ११ औँ प्रदेश अधिवेशनलाई सम्बोधन गर्दै प्रदेशसभा सदस्य समेत रहेका नेता सत्रुधन महतोले समाजवाद तर्फ अघि बढ्नका लागि भ्रष्टाचारको अन्त्य र समाजवाद उन्मुख तर्फ अघि बढ्नका लागि आधारभुत आवश्यकताहरुको लागि सरकारले काम गर्नु अपरिहार्य रहेको बताए । उनले नेपाल विद्युत प्राधिकरणले व्यवस्थित ढंगले गरेको कामले जनताको मन जित्न सफल रहेको भन्दै उनले मुलुकले पनि समाजवाद तर्फ अग्रसरताका लागि आर्थिक क्रान्तिमा फड्को मारेको भन्दै प्रशंसा गरे । उनले अख्तियार दुरुपयोग अनुसन्धानले अचेल दिनहुँ ५ सय देखि हजार सम्म भ्रष्टाचार गर्नेलाई समातिरहेको तर्फ ईंगित गर्दै उनले भने– दैनिक जसो साना तिना माछा समाते झैँ साना भ्रष्टाचारीलाई कारवाही गर्नु ठिक रहेपनि ठुलठुला माछालाई हात नलगाउनु दुर्भाग्य हो । उनले अघि थप्दै भने– अब अख्तियारले ठुला माछाहरुलाई समात्नु पर्यो ।

अनि मात्र भ्रष्टाचार र भ्रष्टाचारीको अन्त्यका लागि केहि खुड्किला पार हुनेछ । उनले मुलुकमा भ्रष्टाचार अन्त्य भएमात्रै सरकारले चाहे अनुसारको समाजवादको धरातल तयार हुने र समृद्धि तर्फ मुलुक अघि बढ्ने बताए । उनले अब जनतालाई भाषण भन्दा पनि व्यवहारिकरुपमा नेता र सरकारले काम गरेर जनताको मन जित्नु आवश्यक रहेको बताए । त्यस्तै नेपाल विद्युत प्राधिकरण राष्ट्रिय कर्मचारी यूनियनका केन्द्रिय संयोजक रामेश्वर पौडेलले नेकपा पार्टी फुटेपनि यूनियन कुनै पनि हालतमा नफुट्ने गरी जुटेको उद्घोष गरे । उनले पार्टीले हामीबाट एकताका लागि सिक्नुपर्ने आवश्यकता रहेको भन्दै उनले समयमै पार्टी नेतृत्व सचेत हुनु आवश्यक रहेको बताए । ज्यालादारीमा काम गर्ने कर्मचारी र कार्यालयको कामको शिलशिलामा मृत्यू तथा अपांगता भएका व्यक्तिका लागि विशेष व्यवस्था हुने बताए । उनले ज्यालादारीमा काम गर्ने कर्मचारीलाई स्थायी कर्मचारी सरह सेवा सुविधा तथा संचय कोषको व्यवस्था मिल्ने बताए । उनले कार्यालयको कामको क्रममा मृत्यूवरण गर्ने वा अपांग भएका कर्मचारीको हकमा उनको परिवारजनलाई तीन तहको कर्मचारीमा रोजगारी दिने व्यवस्थाको निर्णय भईसकेको स्पष्ट पारे । उनले विद्युतको माध्यमले राज्यमा वर्षेणी अर्बौको फाईदाजनक भईरहेकोले यस मध्येको २० प्रतिशत कर्मचारीको संचयकोषमा जम्मा गर्नुपर्ने राज्यसंग माग गरे । यूनियनको दई दिनसम्म चल्ने बन्द सत्रमा प्रदेश नम्बर २ को ८ वटा जिल्लाबाट करिब ५ सय प्रतिनिधि तथा पर्यवेक्षक उपस्थिती रहेको आयोजकले जनाएको छ । यस प्रदेश अधिवेशनबाट नेतृत्व चयन गर्ने आयोजकले जनाएको छ । यूनियनका प्रदेश २ अध्यक्ष विश्व नारायण मिश्रको अध्यक्षतामा आयोजित कार्यक्रममा यूनियनका केन्द्रिय सह–संयोजक खगेन्द्र शाही,पेशागत महासंघ नेपाल राष्ट्रिय समितिका उपाध्यक्ष तथा प्रदेश २ संयोजक योगेन्द्र यादव,नेपाल विद्युत प्राधिकरण प्रदेश २ का प्रमुख मनोज कुमार सिंह लगायतका वक्ताहरुले आ–आफ्नो धारणा राखेका थिए । दुई दिनसम्म चल्ने बन्द सत्रमा प्रदेश २ को ८ वटै जिल्लाबाट करिब ५ सय प्रतिनिधि तथा पर्यवेक्षकहरु उपस्थिती छन् ।

Share this
Similar Posts

Leave a Reply

Your email address will not be published. Required fields are marked *